Partisan Records | |
---|---|
![]() | |
Tipo | selo discográfico |
Data de fundación | 2007 |
Sede | Brooklyn e Londres |
País | Estados Unidos de América |
Na rede | |
http://www.partisanrecords.com/ | |
![]() ![]() ![]() ![]() ![]() ![]() | |
[ editar datos en Wikidata ] |
Partisan Records é un selo discográfico independente con oficinas nos Ánxeles, Londres e Cidade de México, ademais de Nova York, onde Tim Putnam e Ian Wheeler fundaron a compañía en 2007. Inicialmente a compañía dirixíase dende o apartamento de Putnam en Brooklyn, e trasladouse en 2009 ás súas oficinas en Williamsburg, onde aínda están.[1] O álbum de Holy Sons Decline of the West foi o primeiro lanzamento do selo, un exitoso traballo ao que lle seguiu ao pouco tempo o lanzamento do traballo de Deer Tick War Elephant.[2]
En 2008, mentres traballaba como encargado nocturno no local The Knitting Factory en Manhattan, o CEO de Knitting Factory Entertainment, Morgan Margolis, achegouse a Putnam para formar unha asociación estratéxica con Partisan.[3] Xuntos reeditaron o catálogo de Fela Kuti e reviviron o seu selo, Knitting Factory Records, que tamén inclúe a outros membros da familia Kuti, como Femi Kuti e Seun Kuti.[4]
Partisan cultivou unha nómina de artistas ecléctica e diversa, abarcando bastantes xéneros musicais, priorizou unha filosofía amigable cos artistas, e acadou o recoñecemento internacional. En 2018 conseguiron un top 5 nas listas do Reino Unido e un nomeamento aos BRIT Awards con Joy as an Act of Resistance de Idles,[5] e en 2019 obtiveron o seu primeiro nomeamento para un Grammy con Deran de Bombino.[6]
Putnam no presente traballa como presidente de Partisan, e Wheeler xestiona a revista online The Talkhouse, que fundou en 2015 e comparte unha oficina con Partisan.[7]